भिसा अवधि सकिएका श्रमिकहरुले डिसेम्बर अन्त्यसम्म यूएई छाडे जरिवाना नलाग्ने

अनलाइन पत्र संवाददाता प्रकाशित मिति ४ मंसिर २०७७, बिहीबार ०५:४३

कोरोना महामारी कारण भिसा अवधि सकिएर अवैधानिक रुपमा संयुक्त अरब इमिरेट्स ९यूएई०मा विदेशी श्रमिकहरुले डिसेम्बर अन्त्य मुलुक छाडे कुनै पनि जरिवाना नलाग्ने भएको छ । मार्च १ भन्दा अघि भिसा समाप्त भएपछि युएईमा गैरकानूनी रूपमा बसोबास गरिरहेका श्रमिकहरुले यस वर्षको अन्त्यसम्म विना जरिवाना देश छोड्नुपर्ने त्यहाँको पहिचान र नागरिकता सम्बन्धी संघीय प्राधिकरणले जनाएको छ ।

यसअघि यूएई सरकारले मार्च १ भन्दा अघि भिसाको म्याद सकिएको विदेशी नागरिकलाई ९आज० अर्थात् १७, नोभेम्वरसम्म आममाफीको समय तोकेको थियो । तर अहिले यो अवधि बढाएर डिसेम्बर अन्त्यसम्म पुर्‍याएको हो । ओभर स्टेको जरिबाना तथा अन्य कागजातहरु ‘वर्क परमिट’ र ‘इमिरेटस आइडी’ मा लाग्ने फाइन लगायतकाले डिसेम्बर अन्तिम भित्रमा मुलुक छोडेमा उनीहरूलाई सबै जरिवानाबाट छुट दिइने पहिचान र नागरिकता ९आईसीए० को संघीय प्राधिकरणका विदेश मामिला तथा बन्दरगाहका महानिर्देशक मेजर जनरल सईद रकन अल रशीदीले बताए । यता,एनआरएनए, एनसीसी यूएईका उपाध्यक्ष पासाङ शेर्पाले पनि यूएई सरकारलाई धन्यवाद दिदै मार्च १ भन्दा पहिले भिसा सकिएर अवैधानिक बनेका सबैका लागि यूएई सरकारले १७, नोवेम्बर सम्म तोकेको आम माफी ३१ डिसेम्बरसम्म बढाएको बताए । उनले यो थपिएको समयको सदुपयोग गर्न यूएईमा अवैधानिक रुपमा रहेका सम्पूर्ण नेपालीहरुलाई अनुरोध गरेका छन् ।

अनलाइनपत्रको अंग्रेजी, संस्करणका साथै अनलाइन टिभी पनि सञ्चालित छ । फेसबुक र ट्वीटरमार्फत पनि हामीसँग जोडिन सकिनेछ ।