जनै पूर्णिमा तथा रक्षा बन्धनको शुभ साइतमा चलचित्र चलचित्र ‘रिजन अफ रिया’को शुभ मुहूर्त गरिएको छ । मुहूर्तसँगै चलचित्रको बिहीबारबाटै छायाङ्कन पनि सुरु भएको छ । मिलन आले मगरको निर्देशन रहने चलचित्रमा नवीन अधिकारी, करण सिंह बोहरा, कशिस दाहाल, कृष्ण बिसी, विकाश थापामगर, पदम राई, भगवान् खत्री, अभिनय लामा, पवन खतिवडा, ममता पौडेल, तेजा ऐर, लक्ष्मण चौलागाई, मेनुका माझी लगायत कलाकारको अभिनय रहने छ ।
धनेश्वर फिल्मस् प्रा.लि.को प्रस्तुतिमा यो फिल्म निर्माण हुन लागेको ‘रिजन अफ रिया’लाई उमेश गिरी र समीर श्रेष्ठले निर्माण गर्दै छन् । चलचित्रमा देब महर्जनको द्वन्द्व, यम आलेको छायाङ्कन, करणसिंह बोहराको कथा रहेको छ । काठमाडौँ र मुस्ताङमा खिचिने यस चलचित्र लभस्टोरीमा आधारित हुने छ ।
