काठमाडौं – नेपालमा पछिल्लो २४ घण्टामा थप २१२० जनामा कोरोना भाइरस संक्रमण पुष्टि भएको छ । शनिबारको नियमित प्रेस ब्रिफिङमा स्वास्थ्य मन्त्रालयका प्रवक्ता डा. जागेश्वर गौतमले हालसम्म कुल संक्रमितको संख्या ८४ हजार ५७० पुगेको जानकारी दिए ।
यस्तै पछिल्लो २४ घण्टामा २०४४ जना कोरोना संक्रमण मुक्त भएसँगै निको हुनेको कुल संख्या ६२ हजार ७४० पुगेको छ । यसैगरी देशभर सक्रिय संक्रमितको संख्या २१ हजार ३०२ रहेको छ ।
यसैगरी पछिल्लो २४ घण्टामा थप ८ जनाको कोरोनाबाट मृत्यु भएको छ । यससँगै मृतकको कुल संख्या ५२८ पुगेको छ ।
