विश्वभर कोरोनाबाट मृत्यु हुनेको संख्या ९ लाख नाघ्यो

विश्वमा कोरोना भाइरस संक्रमणबाट मृत्यु हुनेको संख्या ९ लाख नाघेको छ । पछिल्लो २४ घण्टामा ४ हजार २०७ जनाको मृत्यु भएसँगै मृत्यु हुनेको संख्या ९ लाख ८७६ पुगेको हो । पछिल्लो २४ घण्टामा २ लाख ३४ हजार भन्दा धेरैमा संक्रमण पुष्टि भएसँगै विश्वमा कोरोना संक्रमितको संख्या २ करोड ७७ लाख २२ हजारभन्दा बढी भएको छ । संक्रमितमध्ये १ करोड ९८ लाख ८ हजार भन्दा धेरै निको भएका छन् भने अहिले संसारमा ७० लाख १२ हजार भन्दा धेरै सक्रिय संक्रमित छन् ।