Onlinepatra.com
Online Patra Media Pvt. Ltd.

मुरी फलाउने सपना (सरस पाण्डे)

Company Register

मुरी फलाउने सपना

Advertisement

निकै पहिले
देखिरहन्थे
कृषिजीवीहरू
मानो रोपेर
मुरी फलाउने सपना
गह्राभरि
बाउसे ,रोपार
हरिया धानका मुठाहरू
आलीको छेउमा
दहीचिउरा र अचार
देखिदैनन् अचेल यस्ता
बास्नादार विपनाहरू
बाक्लो दाल खान
एकै परिवारका
आधादर्जन बाउसेहरू
शहर पसेपछि
थाकेको बुढो हड्डी
घरभित्रै बसेपछि
सुख्खा बनेर
लडेकाछन्
ती सुन्दर गह्राहरू
कहिलेसम्म शहर र प्रदेश पस्नेछन्
बाउसेहरू
कहिलेसम्म निरास बनेर
दैलो कुरेर बस्नेछन्
बिहानदेखि साँझसम्म
खटेर काम गर्ने
रोपारहरू
भनिदिनुस् कसैले मलाई
कहिले हाँस्नेछन्
ती बाँझो बनेका गह्राहरू
कहिले नाच्नेछन्
ती कुँजिएका खुट्टाहरू
अनि
कहिले पूरा हुनेछन्
मुरी फलाउने सपनाहरू

…………………………
सरस पाण्डे

अनलाइनपत्रको अंग्रेजी, संस्करणका साथै अनलाइन टिभी पनि सञ्चालित छ । फेसबुकट्वीटरमार्फत पनि हामीसँग जोडिन सकिनेछ ।
Website Designe 1024×117
Loading...