Onlinepatra.com
Online Patra Media Pvt. Ltd.

ट्रम्पको भ्रमणमा सुकुम्बासी बस्ती छेक्न ६ सय मिटर लामो पर्खाल !

Company Register

अमेरिकी राष्ट्रपति डोनाल्ड ट्रम्पले सोमबारबाट भारतको भ्रमण गर्दैछन् । उनको भारत भ्रमणलाई भव्य बनाउन प्रधानमन्त्री नरेन्द्र मोदी सरकारले तयारी पनि उस्तै किसिमको बनाएको छ । ट्रम्पले गुजरातको अहमदावाद सहरको भ्रमण गर्ने जनाइएको छ । । ‘नमस्ते ट्रम्प’ नाम दिइएको एउटा कार्यक्रममा ट्रम्प र मोदीले सम्बोधन गर्ने कार्यक्रम तय गरिएको छ । ट्रम्पको भारत भ्रमणको तयारी तीव्र बनाइरहँदा अहमदावादमा बनाइएको ६ सय मिटर लामो पर्खाल सामाजिक सञ्जालमा भाइरल बनेको छ । वास्तमा यो पर्खाल बनाउनुको पछाडि त्यहाँ रहेको सुकुम्बासी वस्ती छोप्नु रहेको चर्चा सामाजिक सञ्जालमा छ ।

Advertisement

त्यो पर्खाल नजिकै रहेको सुकुम्बासी बस्तीमा ट्रम्पको आँखा नपरोस् भनेर यस्तो जुक्ति लगाइएको भन्दी मोदी सरकारको आलोचना समेत गरिएको छ । कांग्रेस नेता शशि थरुरले ट्विटरमा यसको मजाक उडाएका छन्। शिव सेना दलले पनि मोदीले गरिबको घर छेकेर गरिबी लुकाउन खोजेको आरोप लगाएको छ। त्यस्तै रंगशालानजिकै रहेका ४५ परिवारलाई पनि जग्गा खाली गर्न सूचना दिइएको विषयमा समेत विरोध जनाइएको छ । सामाजिक सञ्जालमा विरोध जनाइए पनि सरकारी अधिकारीहरुले सो पर्खाल र जग्गा खाली गर्ने निर्देशनको भ्रमणसँग कुनै सम्बन्ध नरहेको दाबी गरेका छन्।

अनलाइनपत्रको अंग्रेजी, संस्करणका साथै अनलाइन टिभी पनि सञ्चालित छ । फेसबुकट्वीटरमार्फत पनि हामीसँग जोडिन सकिनेछ ।
Website Designe 1024×117
Loading...