हेटौँडामा ट्रकले ठक्कर दिँदा राईको मृत्यु

हेटौँडा – मकवानपुरको हेटौँडामा ट्रकले ठक्कर दिँदा एकजनाको ज्यान गएको छ । आज साँझ ना८ख २२५९ को ट्रकले पूर्वपश्चिम राजमार्ग अन्तरगत हेटौंडा–३ बसामाडीमा ठक्कर दिँदा स्थानीय लालबहादुर राईको मृत्यु भएको जिल्ला प्रहरी कार्यालय मकवानपुरले जनाएको छ । ट्रकको ठक्करबाट घाईते भएका राईको हेटौँडा ११ मा रहेको चुरेहिल अस्पतालमा उपचारको क्रममा मृत्यु भएको हो ।