१३ औं दक्षिण एीसयाली खेलकुद ९साग० अन्तर्गत टेबलटेनिस पुरुष टिम इभेन्टमा नेपालले रजत पदक जितेको छ । मंगलबार लैनचौरस्थित टेनिस कोर्टमा भएको फाइनलमा भारतसँग ३–० सेटमा पराजित भएपछि नेपालले रजतमै चित्त बुझाउनु परेको हो । भारतले स्वर्ण पदक जित्दा श्रीलंका र बंगलादेशले कास्य पदकमा चित्त बझाए ।
आजै भएको सेमिफाइनलमा नेपालले बंगलादेशलाई ३–० सेटमा पराजित गरेको थियो भने अर्को सेमिफाइनल खेलमा भारतले श्रीलंकालाई ३–० को सेटमा पराजित गरेको हो । यस्तै, महिला टिम इभेन्टमा पनि भारतले नै स्वर्ण पदक उचालेको छ । महिला तर्फको फाइनलमा भारतले श्रीलंकालाई ३–० कै सेटमा पराजित गरेको थियो । भारतसँग पराजित भएको श्रीलंकाले रजत पदकमा चित्त बुझायो । यता, महिला तर्फ भने नेपाल ले कास्य पदक जितेको छ । सेमिफाइनलमा श्रीलंकासँग ३–० को सेटमा पराजित भएपछि नेपालले कास्यमा चित्त बुझाएको हो । यस्तै, अर्को सेमिफाइनलमा माल्दिभ्स भारतसँग ३–० कै सेटमा पराजित भएपछि कास्य पदक पाएको छ ।
अनलाइनपत्र संवाददाता 
