पूर्व पश्चिम राजमार्ग अन्तर्गत् हेटौंडा १५ रातोमाटेमा सवारी दुर्घटना हुँदा एकजनाको मृत्यु भएको छ । सोमबार साँझ रातोमाटेको लच्कामा ट्रक र मोटरसाइकल ठोक्किँदा एकजनाको घटनास्थलमै मृत्यु भएको प्रहरीले जनाएको छ ।
जिल्ला प्रहरी कार्यालय मकवानपुरका अनुसार हेटौंडा हुँदै बारातर्फ गइरहेको ना ३८ प ६४० नंबरको मोटरसाइकललाई विपरीत दिशाबाट हेटौंडा तर्फ आउँदै गरेको ना ६ ख ७३१७ नंबरको ट्रकले ठक्कर दिँदा मोटरसाइकल चालक औतार स्याङतानको मृत्यु भएको हो । मोटरसाइकलमै सवार ३२ वर्षिय मनिष लामा भने गम्भीर घाइते भएको प्रहरीले जनाएको छ । गम्भीर घाइते लामाको हेटौंडास्थित चुरेहिल अस्पतालमा उपचार भैरहेको छ । ट्रकसहित चालक प्रहरी नियन्त्रणमा रहेको जनाइएको छ ।
