फिल्म ‘राम नाम सत्य’को पहिलो गीत सार्वजनिक

काठमाडौं। आगामी चैत २७ गतेबाट प्रदर्शन हुने फिल्म ‘राम नाम सत्य’ को प्रचारप्रसार सुरु भएको छ। निर्माण पक्षले मंगलबार फिल्मको पहिलो गीत ‘धागोले बाटेको’ सार्वजनिक गरेको हो।

गायक बाबुल गिरी र गायिका रचना रिमालको स्वर रहेको उक्त गीतमा डा. डीआर उपाध्यायको शब्द रचना छ। बाबुल गिरीले नै गीतमा संगीत भरेका हुन्। गीतको भिडियोमा फिल्मका मुख्य कलाकार बिराज भट्ट र सुपुष्पा भट्टलाई रोमान्टिक अंदाजमा प्रस्तुत गरिएको छ।

सियोन श्रेष्ठको कोरियोग्राफी रहेको भिडियोमा दुई कलाकार बीचको प्रेमभावलाई उतारिएको छ। फिल्ममा एक्सन, सस्पेन्स र प्रेमकथाको सम्मिश्रण रहेको जनाइएको छ।

माइकल चन्दको कथा, पटकथा तथा निर्देशन रहेको यस फिल्ममा बिराज र सुपुष्पाका साथै सुशील श्रेष्ठ, दिव्या रायमाझी, आयुष सिंह ठकुरी, प्रशान्त ताम्राकार र सुनिल थापा लगायत कलाकारको अभिनय छ। माइकल इन्टरटेन्मेन्ट हाउसको ब्यानरमा निर्मित फिल्ममा उपेन्द्र शाही र स्वेता बिमलीको लगानी रहेको छ।

सम्बन्धित खबर

कला / संगीत

मुकुन र मेनुकाको ‘गणपति’ को पहिलो गीत सार्वजनिक

२०८०-०१-०५

मनोरञ्जन

टिकटकमा अबदेखि १० मिनेटसम्मको भिडियो अपलोड गर्न मिल्ने

२०७८-११-१८

मनोरञ्जन

परिणीतिको खुलासाः व्वाईफ्रेण्डले धोका दिएपछि म चक्नाचुर भएँ

२०७६-०४-१७

कला / संगीत

गीतकार डा.प्रकाश पौडेलको ‘फूलकुमारी’मा पल र श्री पाण्डे (भिडियो)

२०७८-०४-०१