हिमालयन रोडिजको अडिसन हेटौंडामा

हिमायन टिभिबाट प्रशारण हुने र यामाहाको मुख्य प्रयोजन रहेको हिमालयन रोडिज सिजन ३ को प्रि अडिसन हेटौंडाबाट सुरु भएको छ ।

बुधबारबाट हेटौंडामा अडिसन लिएसँगै देशका अन्य ठाउँहरुमा समेत अडिसन हुने बताइएको छ । हेटौंडाको यामाहाको सोरुममा दिया मास्केले अडिसन लिएकी हुन् । बुधबार हेटौंडामा भएको अडिसनमा ५५ जना सहभागि रहेका थिए जसमा २५ जना भदौ ३१ गते चितवनमा हुने अघिल्लो चरणको अडिसनको लागि छनोट भएको राज मोटर्सका सञ्चालक राजन श्रेष्ठले बताए ।

बाइक राइडर मात्र नभई राइडर्समा हुनुपर्ने एटिच्युट, सहन सक्ने क्षमता आदिको आधारमा अघिल्लो राउण्डमा जाने निर्णायक मास्केले बताइन् । उनले भनिन् ‘पहिलो चरणमा सामुहिक छलफल हुन्छ, त्यसपछि प्रतिस्पर्धीबीच प्रतिस्पर्धा गराएर अघिल्लो राउण्डमा गइन्छ ।’ सकेसम्म देशका सबै ठाउँमा गएर अडिसन लिने उनले बताईन् । रोडिजको पहिलो सिजनका विजेता समन श्रेष्ठ र दोस्रो सिजनका विजेता आयुष श्रेष्ठ रहेका थिए ।