Onlinepatra.com
Online Patra Media Pvt. Ltd.

एसईई परीक्षाको नतिजा छिटो भन्दा छिटो प्रकाशन गर्न विद्यार्थी संगठनको माग

Company Register

विभिन्न पाँच विद्यार्थी संगठनहरुले माध्यमिक शिक्षा परीक्षाको नतिजा यथाशीघ्र प्रकाशन गर्न माग गरेको छन् । राष्ट्रिय परीक्षा बोर्डका अध्यक्ष चन्द्रमणि पौडेललाई मंगलबार पत्र बुझाउँदै विद्यार्थी संगठनहरुले विभिन्न दश बुँदे माग राखेका हुन् । संगठनले एसईई नजिता पारदर्शी, विश्वसनीय र मर्यादित बनाउन उपयुक्त विधि अबलम्बन गर्न पनि माग गरेका छन् । विद्यार्थीको नामथर, जन्म मिति आदिमा देखिने प्राविधिक त्रुटीका कारण विद्यार्थीहरुले नतिजामा वारम्बार समस्या झेल्नुपरेकाले यस्ता समस्या नहुने गरी बोर्डको सिस्टम अपडेट गर्नुपर्ने उनीहरुको माग रहेको छ ।

Advertisement

त्यस्तै ग्रेड वृद्धि गर्न चाहने विद्यार्थीहरुले पूरा गर्नुपर्ने झन्झटिला प्रावधानलाई सरल र सहज बनाउनु पर्ने उनीहरुले माग राखेका छन् । कक्षा ११ र १२ को परीक्षाको हकमा विद्यार्थीहरु परीक्षा दिनबाट वञ्चित नुहुने गरी प्रवन्ध मिलाउन र भौतिक उपस्थितिमा गरिने परीक्षाको तालिका वा विकल्पबारे विद्यार्थीलाई समयमै जानकारी दिन पनि संगठनले बोर्डलाई माग राखेको छ ।

अनलाइनपत्रको अंग्रेजी, संस्करणका साथै अनलाइन टिभी पनि सञ्चालित छ । फेसबुकट्वीटरमार्फत पनि हामीसँग जोडिन सकिनेछ ।
Website Designe 1024×117
Loading...