बागमती गोल्डकप : जावलाखेल सेमिफाइनलमा , आज थ्री स्टार र एपिएफ भिड्दै

अनलाइन पत्र संवाददाता प्रकाशित मिति १९ चैत्र २०७७, बिहीबार ०६:०७

मकवानपुरको फापरबारीमा जारी चौथो बागमती गोल्डकपमा जावलाखेल युवा क्लब सेमिफाइनल प्रवेश गरेको छ । जनता माविको खेल मैदानमा बुधबार भएको खेलमा जावलाखेल ४–१ गोल अन्तरले विजयी भएको हो । नव जनजागृति युवा क्लब सिमरालाई हराउँदै सेमिफाइनलमा प्रवेश गरेको हो । जितको लागि पहिलो हाफमा जावलाखेलका जर्सी नम्बर ७ का फेडे फफनाले ७,३७ र ४५ औं मिनेटमा ३ गोल गरेका थिए ।

खेलको पहिलो हाफको इन्जुरी समयमा नव जनजागृती युवा क्लबका जर्सी ७ का सौरभ तामाङले १ गोल फर्काएका थिए । त्यस्तै दोस्रो हाफको ७५ औं मिनेटमा पुन जावलाखेलका जर्सी नम्बर ७ कै फेडे फफनाले व्यक्तिगत चौथो गोल गर्दै सानदार जित दिलाएका थिए । खेलको म्यान अफ दि म्याच जावलाखेलका फेडे फफना घोषित भए । उनले ५ हजार रुपैँया पुरस्कार प्राप्त गरेका थिए । आजको खेल थ्री स्टार क्लब ललितपुर र एपीएफ क्लब काठमाडौ बीच हुने आयोजकले जनाएको छ ।

अनलाइनपत्रको अंग्रेजी, संस्करणका साथै अनलाइन टिभी पनि सञ्चालित छ । फेसबुक र ट्वीटरमार्फत पनि हामीसँग जोडिन सकिनेछ ।