बलिउडका दुई एक्शन अभिनेता ऋतिक रोशन र टाइगर श्रफ अभिनित फिल्म ‘वार’को ट्रेलर सार्वजनिक भएको छ । टाइगर र ऋतिकको यो पहिलो फिल्म हो । ‘वार’को सार्वजनिक ट्रेलरमा खतरनाक स्टन्ट, एक्शन सिन्स, फाइट सिक्वेन्स, टाइगर–ऋतिकको फेसअपलाई प्रस्तुत गरिएको छ ।
सिद्धार्थ आनंदले निर्देशन गरेका ‘वार’ २ अक्टोवरबाट दर्शकमाझ रिलिजमा आउँदैछ । दुई मिनेट २५ सेकेण्ड लामो ट्रेलर जबरदस्त छ । फिल्ममा टाइगरलाई ऋतिकको जुनियरको रुपमा प्रस्तुत गरिएको छ । ट्रेलरमा टाइगरलाई ऋतिकको खोजीमा पठाइएको छ । त्यसपछि यी दुई स्टार्सको वार सुरु हुन्छ ।
फिल्मको ट्रलरमा ऋतिक–टाइगरको फेसअपलाई सबैभन्दा बढी फोकस गरिएको छ । यशराजको ब्यानरमा बनेको ‘वार’लाई हिन्दी, तमिल, तेलेगु लगाएतका भाषामा रिलिज गरिनेछ । योफिल्मलाई सात देशको विभिन्न १५ शहरहरुमा छायाङ्कन गरिएको छ ।
यो फिल्ममा ऋतिक र टाइगरका अलवा वाणी कपुर पनि मुख्य भूमिकामा छन् ।
