सुनिल थापाको हिप हप गीत ‘झ्याम पुतली’ सार्वजनिक(भिडियो)

सुनिल थापा नेपाली चलचित्र क्षेत्रमा निकै सम्मानजनक नाम हो उनको अभिनयलाई मन नपराउने नेपाली दर्शक कमै होलान् । बलिउडमा समेत आफ्नो अभिनयले मन जितेका उनै सुनिल थापा उर्फ राते काइँलाले म्युजिक भिडियोमा अभिनय गरेका छन् । उनी फिचर्ड हिप-हप गीत ‘झ्याम पुतली’ सार्वजनिक भएको छ । चलचित्रमा भिलेनको रूपमा दर्शकको मन जितेका उनी म्युजिक भिडियोमा पनि उही भावको भूमिकामा देखिएका छन् । गीत साइक्लोनिक अर्थात् विधान रेसमी मगर र नेपालको फास्ट र्यापरको परिचय बनाएका बुलेट फ्लो अर्थात् सुरज विक्रम थापाले तयार पारेका हुन् । यी दुई समेत भिडियोमा फिचर्ड छन् ।

यसको अडियोलाई क्रोनिक बिटले तयार पारेको हो भने यसको भिडियोलाई बेस्मेन्ट स्टुडियोले । भिडियोमा इन्टा चाम्लिङ राईको कोरियोग्राफी रहेको छ । राजधानीमा एक कार्यक्रमको आयोजना गर्दै सार्वजनिक गरिएको गीतमा आफूले अभिनय गर्न पाउँदा निकै खुसी रहेको सुनिलले बताए । उनले भने, ’गीतको एउटा हिस्सा हुन् पाउँदा निकै खुसी छु’ ।\