मकवानपुरमा मंगलबार एकैदिन १०९ जना कोरोना संक्रमित थपिए

मकवानपुरमा मंगलबार एकैदिन थप १०९ जना कोरोना संक्रमित थपिएका छन् । मंगलबार बिहान ७१ जनामा कोरोना संक्रमण पुष्टी भएकोमा साँझ थप ३८ जनामा कोरोना पुष्टि भएको हेटौंडा उपमहानगरपालिकाका जनस्वास्थ्य निरिक्षक भोला चौलागाईले जानकारी दिनुभयो । मंगलबार साँझ आएको रिपोर्टमा संक्रमित हुनेमा १४ महिला र २४ पुरुष रहेको छ । असोज २ गते संकलन गरिएको स्वाबको रिपोर्ट मंगलबार आएको हो । हेटौँडा–१० स्थित किटजन्य रोग तथा तालिम केन्द्रमा गरिएको ९३ जनाको परीक्षणमा ३८ जनामा कोरोना पुष्टि भएको हो । मंगलबार बिहान पनि मकवानपुरमा ७१ जनामा कोरोना पुष्टि भएको थियो ।