‘तीज क्विन’ सुनिता दुलालको नयाँ तीज गीत ‘चालिसे चुरा’ सार्वजनिक

लोकप्रिय लोकगायिका सुनिता दुलालले यस वर्षको तीजका लागि नयाँ गीत ‘चालिसे चुरा’ सार्वजनिक गरेकी छन्। तीज गीतमै आफ्नो छुट्टै पहिचान बनाएकी उनी ‘तीज क्विन’का रूपमा परिचित छिन्।

शम्भुजित बास्कोटाको संगीत र चिरञ्जिवी भट्टको शब्दमा तयार भएको गीत रंगीन र रमाइलो माहोलमा प्रस्तुत गरिएको छ। म्यूजिक भिडियोमा अभिनेत्री एलिजा गौतम, शर्मिला मल्ल, हट्टी नट्टी, पुनम श्रेष्ठ, जयन सुब्बा मानन्धर र स्वयं दुलालको अभिनय समावेश छ।

तेञ्जु योञ्जनको निर्देशनमा बनेको भिडियो ‘सुनिता दुलाल युट्युब च्यानल’मार्फत सार्वजनिक गरिएको हो। दुलालका अनुसार यसपटकको गीतमा सांस्कृतिक रंग, परम्परा र आधुनिक प्रस्तुतीको मिश्रण गरिएको छ।

‘नबोल अरुसँग’, ‘पियारी’, ‘यो रमाइलो तिजैमा’, ‘यसपाली नि खाने दर’ लगायतका हिट गीतमार्फत चर्चा कमाइसकेकी दुलालले ‘चालिसे चुरा’ पनि दर्शकले मन पराउने विश्वास व्यक्त गरेकी छन्।

तीज आउन केही हप्ता बाँकी भए पनि सामाजिक सञ्जालहरू अहिले नै तीजमय भएका छन्। यसैबीच, तीजलाई लक्षित गर्दै सार्वजनिक भएका दर्जनौं गीतमध्ये ‘चालिसे चुरा’ले पनि दर्शकको ध्यान तानिरहेको छ।

सम्बन्धित खबर

कला / संगीत

“घुर घुर” मा वर्षा र युवराजको बिछोडिएको प्रेम (भिडियो)

२०७८-०१-०४

मनोरञ्जन

नेपाल आइडलको फाइनल अर्को साता , को बन्ला विजेता ?

२०७७-०५-०६

मनोरञ्जन

गायक प्रेम सेनको ‘म्याङ्लुङ बजार’ गीत सार्वजनिक, पूर्वेली भाकामा मायाप्रेमको कथा

२०८२-०४-३१

कला / संगीत

गौरव र बेनिशाको ‘फिँजाइ पंख’ सार्वजनिक (भिडियो)

२०७७-०९-११