रेग्मीको ‘बिछोडको घाउ’ बजारमा

काठमाडौं। दुई दशकदेखि अस्ट्रेलियामा बस्दै आएका गायक रमण रेग्मीले आफ्नो नयाँ म्युजिक भिडियो ‘बिछोडको घाउ’ सार्वजनिक गरेका छन्। प्रेम, प्राप्ति, र बिछोडको कथालाई समेटिएको यो गीतमा रमणकै शब्द, किरण कँडेलको संगीत र एरेन्ज रहेको छ। म्युजिक भिडियोमा केशवराज भट्ट, शिल्पा पोखरेल, र अर्जुन खड्का फिचर्ड छन्। केशवराज भट्टकै निर्देशन र कोरियोग्राफीमा बनेको यस भिडियोले त्रिकोणात्मक प्रेम कथा र प्रेम वियोगको भाव प्रस्तुत गरेको छ। भिडियोमा, अत्यधिक माया गर्ने प्रेमीलाई धोका दिएर एक धनाढ्य प्रेमी रोज्ने शिल्पाको कथा देखाइएको छ। भिडियोको छायांकन विशाल थापा र नरेश ऐरले गरेका हुन् भने सम्पादन र रंग संयोजन राकेश दाहालले गरेका छन्।

गायक रेग्मीले यसअघि ‘घर त लगनखेल’को रिमेक भर्सन, ‘मुखै चिलाउनी’, ‘खुला जमिन’, ‘मेसो पा छैन’, ‘हामी जनतालाई धेरै गाह्रो छ’, र ‘नेपालै जाऊँ–जाऊँ लाग्छ’ जस्ता गीत ल्याइसकेका छन्। उनले आफू सुगम संगीतमार्फत नेपाली सांगीतिक क्षेत्रमा आएको र आफ्नो सांगीतिक यात्रालाई निरन्तरता दिँदै आएको बताएका छन्। ‘बिछोडको घाउ’ गीत लेख्दा र गाउँदा आफूले बेग्लै किसिमको आनन्द र सन्तुष्टि महसुस गरेको गायक रेग्मीको भनाइ छ।

सम्बन्धित खबर

कला / संगीत

राष्ट्रिय लोकदोहोरी महोत्सव २०७८ आयोजना हुने

२०७८-०८-०७

बलिउड

भारतीय अभिनेत्री तमन्ना भाटियालाई कोरोना संक्रमण पुष्टि

२०७७-०६-१९

मनोरञ्जन

चलचित्र ‘अभिमन्यु : च्याप्टर–१’ को नयाँ गीत ‘लड्की गोरी’ सार्वजनिक

२०८२-०४-३१

मनोरञ्जन

फिल्म ‘परान’ को पहिलो पोस्टर सार्वजनिक

२०८२-०६-०४