उपत्यकामा जारी निषेधाज्ञा वैशाख २९ गते सम्मका लागि थपियो

काठमाडौं उपत्यकामा वैशाख १६ देखि जारी निषेधाज्ञा २९ गतेसम्मका लागि थपिएको छ ।

आज उपत्यकाका तीन जिल्लाका प्रमुखहरुको बैठकले कोरोना संक्रमण झन बढेको भन्दै निषेधाज्ञा थप गर्ने निर्णय गरेको हो ।

बैठकले अब बजार र पसलहरु बिहान ७ बजेदेखि ९ सम्म मात्र खोल्न पाउने निर्णय पनि गरेको छ। यस अघि वैशाख २२ सम्म निषेधाज्ञा लगाइएको थियो भने पसलहरु साँझ बिहान पनि खुल्दै आएका थिए ।