४ हजार ४७ जना कोरोना संक्रमित थपिए, १४७३ डिस्चार्ज

अनलाइन पत्र संवाददाता प्रकाशित मिति २६ आश्विन २०७७, सोमबार १७:३१

काठमाडौं –नेपालमा पछिल्लो २४ घण्टामा ४ हजारभन्दा बढी मानिसमा कोरोना भाइरस संक्रमण पुष्टि भएको छ । देशभरका विभिन्न प्रयोगशालामा १४ हजार पाँच सय ३० जनामा गरिएको परीक्षणमा चार हजार ४७ जनामा कोरोना पुष्टि भएको हो ।

आज देशभर ३३ हजार आठ सय ८० जना सक्रिय संक्रमित रहेको स्वास्थ्य तथा जनसंख्या मन्त्रालयले जनाएको छ । मन्त्रालयका प्रवक्ता डा.जागेश्वर गौतमका अनुसार पछिल्लो २४ घण्टामा एक हजार चार सय ७३ जना कोरोनाका बिरामी निको भएका छन् । योसँगै नेपालमा कोरोना भाइरस संक्रमण निको हुनेको संख्या ७७ हजार दुई सय ७७ पुगेको छ ।

आज काठमाडौं उपत्यकामा मात्र दुई हजार दुई सय ८३ जनामा कोरोना पुष्टि भएको छ ।

अनलाइनपत्रको अंग्रेजी, संस्करणका साथै अनलाइन टिभी पनि सञ्चालित छ । फेसबुक र ट्वीटरमार्फत पनि हामीसँग जोडिन सकिनेछ ।