सुनको भाउ तोलामा ८०० रुपैयाँ बढ्यो

अनलाइन पत्र संवाददाता प्रकाशित मिति २० आश्विन २०७७, मंगलवार १३:३६

काठमाडौं – सुनको भाउ आज प्रतितोला ८ सय रुपैयाँ बढेको छ । नेपाल सुन चाँदी व्यवसायी महासंघका अनुसार मंगलबार छापावाल सुनको भाउ तोलाको ९४ हजार ९०० रुपैयाँमा कारोबार भएको छ । यसैगरी, तेजावी सुनको मूल्य तोलाको ९४ हजार ४०० रुपैयाँ निर्धारण भएको छ । सोमबार छापावाल सुनको भाउ तोलाको ९४ हजार १०० रुपैयाँमा कारोबार भएको थियो ।

यसैगरी, तेजावी सुनको मूल्य तोलाको ९३ हजार ६०० रुपैयाँ निर्धारण भएको थियो । यता, चाँदीको भाउ पनि प्रतितोला २० रुपैयाँले बढेर १२ सय रुपैयाँ कायम भएको छ । यसअघि, सोमबार चाँदीको भाउ प्रतितोला ११ सय ८० रुपैयाँ रहेको थियो ।

अनलाइनपत्रको अंग्रेजी, संस्करणका साथै अनलाइन टिभी पनि सञ्चालित छ । फेसबुक र ट्वीटरमार्फत पनि हामीसँग जोडिन सकिनेछ ।