Onlinepatra.com
Online Patra Media Pvt. Ltd.

कोरोनाका कारण बन्द रहेका बाँकी क्षेत्र पनि खोल्ने तयारी

Company Register

कोरोना भाइरस सम्बन्धी उच्चस्तरीय निर्देशक समिति (सीसीएमसी) ले निषेधाज्ञापछि सेवा सञ्‍चालन गर्न बाँकी रहेका क्षेत्रहरु खोल्नेबारे छलफल गरेको छ । यसबारे मन्त्रालयबाट प्रस्ताव आएपछि निर्णय गर्ने भएको छ। मंगलबार सिंहदरबारमा बसेको सीसीएमसी निर्देशक समितिको बैठकले कोभिड(१९ का कारण रोकिएका बाँकी सेवाहरु सूचारु गर्नेबारे छलफल गरेको हो । बैठकले रोकिएका बाँकी सेवाहरू सुचारू गर्ने सम्बन्धमा अध्ययन गरी सम्बन्धित मन्त्रालयबाट प्रस्ताव आएपछि निष्कर्षमा पुग्‍ने निर्णय गरेको हो ।

Advertisement

प्रधानमन्त्री तथा मन्त्रिपरिषद्को कार्यालयका सचिव महेन्द्रप्रसाद गुरागाईंले खोल्न बाँकी रहेका क्षेत्रहरु सूचारु गर्ने सम्बन्धमा अध्ययन गरी प्रस्ताव ल्याउने सम्बन्धमा निर्णय भएको जानकारी दिए । उनले भने, ‘खोल्न बाँकी रहेका सेवाहरु सम्बन्धित मन्त्रालयले विस्तृत अध्ययन गरेर त्यसको स्थिति के छ र के कसरी सञ्चालन गर्न सकिन्छ, त्यसको खाका तयार गरेर लिएर आउने र फेरि त्यसमा छलफल गरेर निर्णयमा पुग्‍ने भन्‍ने निर्णय भएको छ।’ बैठकले तेस्रो मुलुकबाट उद्धार जारी रहेको अवस्थामा त्यसलाई थप व्यवस्थित गर्ने निर्णय पनि गरेको छ। सचिव गुरागाईंका अनुसार बैठकमा तेस्रो मुलुकबाट उद्धारको क्रम जारी रहेको अवस्थामा थप व्यवस्थित गरी थप उडानको व्यवस्था गरेर शीघ्र उद्दार गर्न बाँकी नेपाली नागरिकहरुको उद्धार गर्नेबारे पनि निर्णय भएको छ ।

अनलाइनपत्रको अंग्रेजी, संस्करणका साथै अनलाइन टिभी पनि सञ्चालित छ । फेसबुकट्वीटरमार्फत पनि हामीसँग जोडिन सकिनेछ ।
Website Designe 1024×117
Loading...