काठमाडौं – नेपालमा बिहीबार थप २७४ जनामा कोरोना भाइरस संक्रमण पुष्टि भएको छ । स्वास्थ्य तथा जनसंख्या मन्त्रालयका अनुसार पछिल्लो २४ घण्टामा नयाँ २७४ जना कोरोना संक्रमित थपिएका हुन् । योसँगै नेपालमा कोरोना संक्रमितको कुल संख्या १९ हजार ५४७ जना पुगेको छ ।

यस्तै, कुल १४ हजार २४८ जना उपचारपछि निको भएर घर फिर्ता भएका छन् । बिहीबार मात्रै २२७ जना कोरोना संक्रमणबाट निको भएर फर्किएका छन् । यता पछिल्लो २४ घण्टामा ३ जनाको कोरोनाका कारण मृत्यु भएको छ । नेपालमा हालसम्म कोरोनाबाट मृत्यु हुनेको संख्या ५२ पुगेको छ ।