एनसेल टावरमा आगजनी

पूर्वी नवपरासीको कावासोतीनगरपालिका –१० मगरकोटमा रहेको एनसेल टावरमा आजनी भएको छ। बुधबार राति टावरमा आगजनी भएको जिल्ला प्रहरी कार्यालय नवलपुरका सुचना अधिकारी सहायक प्रहरी उपरिक्षक अर्जुन रानाभाटले जानकारी दिएका छन्। 

आगजनी कसले र किन गरेको भन्ने केहि खुलेको छैन। आगजनीबाट टावरमा राखिएको जेनेरेटर पूर्ण रुपमा नष्ट भएको छ भने टावरमा लागेको आगो स्थानिय र प्रहरीको सक्रियतामा नियन्त्रणमा लिएको बताइएको छ।  आगजनी गर्नेको खोजी कार्यसँगै अनुसन्धान अगाडि बढाइएको रानाभाटले बताए।