सरकारले मंगलबारदेखि अत्यावश्यक सेवा बाहेक देशभर लक डाउन गरेको छ । अहिले घरमै थुनिएका करोडौं मान्छेको दिनचर्याको साथी ईन्टरनेट बनेको छ । 

मोबाईलमा डाटा प्याक, वाईफाई वा कुनै प्रदायकबाट लिईएका ईन्टरनेट सेवाको प्रयोग लक डाउनका समयमा अत्याधिक वृद्धि भए पछि नेटवर्क ट्राफिक जाम हुन सक्ने र सेवा नै अवरुद्ध हुन सक्ने जोखिम बढेको छ ।

यसो भयो भने अचानक ईन्टरनेट ठाँउ ठाँउमा बन्द हुन सक्ने छ । नेपाल दुरसञ्चार प्राधिकरणले सूचनै निकालेर यस्तो चेतावनी दिदै प्राथमिक र आवस्यक एप्लीकेसन मात्र चलाउन अनुरोध गरेको छ ।

नेपालका इन्टरनेट सेवाप्रदायकहरुले राति ८ देखि १० बजेको बीचमा एकैतिर धेरै खपत हुँदा नियमितको तुलनामा इन्टरनेटको गति पनि सुस्त भएको छ। सेवाप्रदायकहरुले उक्त समयमा अनावस्यक इन्टरनेट नचलाउन आग्रह गरेका छन्।

सूचना पढ्नुहोस्