चितुवाको छालासहित सिन्धुलीका अधिकारी पक्राउ

चितुवाको छालासहित एक जना पक्राउ परेका छन् । ललितपुर प्रहरीको गस्ती टोलीले सिन्धुली दुधौली नगरपालिका –६ का महेश अधिकारीलाई चितुवाको छालासहित पक्राउ गरेको हो ।

महानगरीय प्रहरी प्रभाग पुल्चोकबाट प्रभागमा प्रमुख प्रहरी निरीक्षक पूर्णीमा चन्दको नेतृत्वमा खटिएको प्रहरी टोलीले अधिकारीलाई सोमबार ललितपुरको शंखमूलबाट चितुवाको छालीसहित पक्राउ गरेको हो । पक्राउ परेका अधिकारीमाथि थप अनुसन्धान भइरहेको प्रहरीले जनाएको छ।