मकवानपुरको भीमफेदीमा अटो दुर्घटना हुँदा एक जनाको मृत्यु

मकवानपुरको भीमफेदी गाउँपालिका वडा नम्वर–४ ठुलो गुण्डिङमा अटो दुर्घटना हुँदा एक जनाको मृत्यु भएको छ। मृत्यु हुनेमा भीमफेदी गाउँपालिका वडा नम्वर २ भैंसे बस्ने ६५ वर्षीय सुब्बा बज्यु तामाङ् छन्। बुधबार दिउँसो १२ बजेको समयमा गुण्डिङबाट भैंसेतर्फ जाँदै गरेको ना २ ह ४६८९ नम्बरको अटो अनियन्त्रित भएर सडकबाट करिब ९० मिटर तल खोल्सामा खसेर दुर्घटना भएको जिल्ला प्रहरी कार्यालय मकवानपुरले जनाएको छ।