फिल्म ‘एक्टर’ माघ ४ गतेबाट प्रदर्शनमा आउने

काठमाडौं – निर्देशक मदन घिमिरेको निर्देशनमा बनेको फिल्म ‘एक्टर’ आगामी माघ ४ गतेबाट देशभर प्रदर्शनमा आउने भएको छ। आइतबार आयोजित पत्रकार सम्मेलनमार्फत निर्माण युनिटले फिल्मको प्रदर्शन मिति घोषणा गरेको हो।

पत्रकार सम्मेलनमा चलचित्रका निर्देशक मनोहरि थापाले ‘एक्टर’ लाई मुलुकको आवश्यकता र वर्तमान चुनौतीलाई सामना गर्ने उद्देश्यले निर्माण गरिएको बताए। उनले भने, “फिल्मले युवाले देखेको सपना पूरा गर्नका लागि कति संघर्ष र कठिनाइ सामना गर्नुपर्छ भन्ने यथार्थलाई प्रस्तुत गरेको छ। यसले युवा जगतलाई सकारात्मक सन्देश दिन्छ।”

फिल्मले रोजगारी, युवा समस्याहरू, प्रेम, रोमान्स र थ्रिलरको विषयलाई समेटेर आधुनिक परिवेशमा आधारित कथा प्रस्तुत गर्ने निर्देशक थापाले बताए।

करीब २ घण्टा १५ मिनेटको यो फिल्ममा प्रिन्स थापा, शिवानी गिरी, कशिस दाहाल, कृष्ण मल्ल, सरोज खनाल, शिबु शाह, निशा केसी भण्डारी, र महेन्द्र मैनालीलगायतका कलाकारले अभिनय गरेका छन्।

सम्राट थापाको कथा तथा संगीत रहेको यस फिल्ममा सम्राट बस्नेतले द्वन्द्व निर्देशन गरेका छन् भने छायाङ्कन युवराज राई र डम्बर राईले गरेका छन्। नेपाल डाइस्पोरा इन्टरटेनमेन्टको प्रस्तुतिमा बनेको ‘एक्टर’ लाई टिभी पत्रकार मनोहरि थापाले निर्माण गरेका हुन्।

निर्देशक थापाले दर्शकको माया र सही प्रचार-प्रसारको सहयोगले फिल्म ‘एक्टर’ सफल हुनेमा आफू विश्वस्त रहेको बताएका छन्।

सम्बन्धित खबर

कला / संगीत

‘तेल भिसा’ को तेस्रो गीत ‘कति रमाइलो’

२०८१-०७-०७

कला / संगीत

मन के सी र मेलिना राईको ‘मायाको फूल बारी’ सार्बजनिक (भिडियो)

२०७७-०८-२८

कला / संगीत

गायक गणेश थापाको स्वरमा नयाँ कृष्ण भजन सार्वजनिक

२०८२-०४-३१

कला / संगीत

अभिनेत्री नीताको गायन यात्रा: ‘श्री गणेश’ भजन

२०७७-०४-३२