Onlinepatra.com
Online Patra Media Pvt. Ltd.

स्वारेज बार्सिलोना छोडेर एथ्लेटिको मड्रिडमा गए

Company Register

स्पेनिस ला लिगा क्लब एथ्लेटिको मड्रिडले स्ट्राइकर लुइस स्वारेजलाई प्रतिद्वन्द्वी क्लब बार्सिलोनाबाट भित्र्याएको छ । उरुग्वेका खेलाडी स्वारेजले एथ्लेटिको मड्रिडसँग दुई वर्षको सम्झौता गरेका छन् । शुक्रबार मेडिकलमा पास भएपछि स्वारेजले सम्झौता गरेका हुन् । ३३ वर्षका स्वारेज सन् २०१४ मा लिभरपुलबाट बार्सिलोना गएका थिए । उनले बार्सिलोनाबाट एक पटक च्याम्पियन्स लिग तथा चार पटक लिगको उपाधि जितेका छन् ।

Advertisement

स्वारेजले बार्सिलोनाबाट २८३ खेलमा १९८ गोल गरेका छन् । स्वारेजका लागि एथ्लेटिको मड्रिडले निकै कम अर्थात ६ मिलियन युरो मात्रै बार्सिलोनालाई तिरेको छ । बार्सिलोनाले उनलाई ल्याउने बेला लिभरपुललाई ७४ मिलियन पाउण्ड तिरेको थियो । बार्सिलोनाका प्रशिक्षक रोनाल्ड कोएम्यानले आफ्नो योजनामा स्वारेज नरहेको बताए थिए । पासपोर्टको समस्याका कारण स्वारेज इटालियन क्लब युभेन्टस जान पाएका थिएनन् ।

अनलाइनपत्रको अंग्रेजी, संस्करणका साथै अनलाइन टिभी पनि सञ्चालित छ । फेसबुकट्वीटरमार्फत पनि हामीसँग जोडिन सकिनेछ ।
Loading...